Galería

Xulio Ferreiro: “Para resolver o financiamento de Langosteira non caben operacións de especulación, nin atallos”

O alcalde da Coruña, Xulio Ferreiro, manifestou este xoves que para acadar o financiamento necesario para o Porto Exterior é necesaria a “colaboración leal” por
parte de todos os organismos implicados. Así, o rexedor manifestou que “para resolver esta situación, non caben operacións de especulación, nin atallos, nin portas de atrás”.

Así, e preguntado acerca das últimas manifestacións emitidas dende a Autoridade Portuaria, Ferreiro manifestou: “Entendo que as condicións nas que está fan que amose certo nerviosismo, pero o que non podemos consentir é que nos traslade a nós ese nerviosismo porque a obra do Porto Exterior se intenta financiar cunhas condicións que non se axustan á realidade”. O alcalde insistiu en que a cooperación é a única vía para tratar de desbloquear a situación. “Intentar responsabilizar ao concello de cousas que non son da súa responsabilidade non é o camiño”, engadiu.

“O Concello da Coruña xa cumpriu coas obrigas que tiña no convenio, que pasaban por modificar o PXOM, e a Autoridade Portuaria é a que non desafectou os terreos e non promoveu a modificación do plan especial. Seguimos agardando a que se nos presente o plan de seguimento de financiamento do Porto Exterior”, indicou o alcalde, quen insistiu: “Isto serviríanos para cooperar, que é o que buscamos”.

O Goberno local entende que a venda de terreos desafectados do peirao interior non garante a consecución do financiamento para a obra de Punta Langosteira. “Que pasa se eses terreos se venden, se hipoteca a fachada marítima da cidade, non para poñela ao servizo do ben común, e aínda así só se consegue un terzo do que estaba previsto…de onde sairá o resto?”, reflexionou o alcalde.

Ferreiro insistiu, igualmente, en que o Concello cumpriu coas obrigas impostas no convenio. “O que non pode ser, e non está no convenio, e que se non se alcanzan as cantidades previstas teña que responder o concello. Iso non é obriga do Goberno local e creo que é un plantexamento fóra de lugar. As obrigas polas que podiamos ter responsabilidades están cumpridas”, recordou.

 

Concertos de agosto

Por outra banda, e preguntado polos medios de comunicación, o alcalde coruñés asegurou que se tentará que os concertos programados dentro da cidade nestas festas de agosto non alteren a vida da veciñanza. “As actuacións musicais tanto na Praza das Bárbaras, como no resto, rematarán a horas prudentes. Trataremos de compatibilizar a vida dos residentes nestas zonas, acabar a unha hora decente, e dinamizar os barrios, que tamén é unha reclamación dos propios veciños e veciñas”, explicou. “Cremos que a Cidade Vella merece ter máis vida, que non sexa unha zona que a xente só visita unha semana ao ano”, concluíu.

Anuncios
de boletincoruna Publicado en Noticias

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s